ალექსანდრე ნიკოლოზის ძე ნათიშვილი

დაიბადა ქ. თბილისში. 1906 წელს დაამთავრა ხარკოვის უნივერსიტეტის სამედიცინო ფაკულტეტი. პირველი ქართველი ანატომი. მედიცინის დოქტორი, სადისერტაციო შრომა - „К морфологии coecum и colon детей 1 года жизни“ (1916). პროფესორი, საქართველოს სსრ მეცნიერებათა აკადემიის აკადემიკოსი, მეცნიერების დამსახურებული მოღვაწე, თეორიული მედიცინის ერთ-ერთი თვალსაჩინო წარმომადგენელი საქართველოში, ქართული მეცნიერული ანატომიური სკოლის ფუძემდებელი, საქართველოს სსრ მეცნიერებათა აკადემიის ექსპერიმენტული მორფოლოგიის ინსტიტუტის დამაარსებელი და მისი დირექტორი, თბილისის სახელმწიფო უნივერსიტეტის სამედიცინო ფაკულტეტის პირველი დეკანი, თბილისის უნივერსიტეტის სამედიცინო ფაკულტეტის, შემდგომში თბილისის სახელმწიფო სამედიცინო ინსტიტუტის ნორმული ანატომიის კათედრის გამგე, მანვე შექმნა პლასტიკური ანატომიის კათედრა სამხატვრო აკადემიაში (1924), შინაურ ცხოველთა ანატომიის კათედრა ზოოვეტერინალურ ინსტიტუტში (1932), ანატომიის კათერდა ფიზკულტურის ინსტიტუტში. 1946 წელს ორგანიზება გაუკეთა და სათავეში ჩაუდგა ექსპერიმენტული მორფოლოგიის ინსტიტუტს, რომელიც 1959 წ-დან ატარებს მის სახელს. პირველი ქართული სახელმძღვანელოს ავტორი ანატომიაში, ნორმული ანატომიის ქართული ტერმინოლოგიის აღმდგენი, დამდგენი და დამმუშავებელი და სხვ. გამოქვეყნებული აქვს 80 სამეცნიერო შრომა, მნიშვნელოვანია მისი შრომები ტვინის მორფოლოგიის, ადამიანის მსხვილ ნაწლავთა ანატომიის, საქართველოს მოზარდი თაობის ფიზიკური განვითარების და სხვა საკითხებზე.

• ანატომთა, ჰისტოლოგთა და ემბრიოლოგთა საკავშირო საზოგადოების გამგეობა, წევრი (1949-1959)
• თბილისის ანატომთა, ჰისტოლოგთა და ემბრიოლოგთა საზოგადოება, თავმჯდომარე (1952-1959)
• ნთროპოლოგთა და ეთნოლოგთა საზოგადოება, თავმჯდომარე (1924-)
• საქართველოს სამედიცინო საზოგადოება, თავმჯდომარე (1926-1932)
• საქართველოს სსრ მეცნიერებათა აკადემია, აკადემიკოსი (1944-1959)

• 1951 - ლენინის ორდენი
• 1946 - შრომის წითელი დროშის ორდენი
• 1940 - საქართველოს მეცნიერებათა დამსახურებული მოღვაწე
• საპატიო ნიშნის ორდენი

• თავის ტვინის სექციის სახელმძღვანელო (ავტორი). - თბილისი, საქმედგამი, 1953. - 63 გვ.
• ადამიანის ნორმალური ანატომია : სპლანქნოლოგია, ანგიოლოგია: 180 სურათით ტექსტში. (ავტორი) // ნაწ. 2. - ტფილისი, 1-ლი სტამბა, 1933. - 253 გვ.
• ადამიანის ტვინი : ტვინის გაკვეთის სახელმძღვანელო სტუდენტებისათვის (ავტორი). - ტფილისი, სახელგამი, 1932. - 40 გვ.
• მეკელის დივერტიკულის დახშული ფორმა და მისი ვასკულარიზაცია (ავტორი). - ტფილისი, პოლიგრაფტრ. 1-ლი სტ., 1929. - 162 გვ.