დიმიტრი ალექსანდრეს ძე ნაზარაშვილი

დაიბადა ქ. ქუთაისში. 1878 წელს დაამთავრა პეტერბურგის მედიკურ-ქირურგიული აკადემია. ცნობილი თერაპევტი. ვ. ა. მანასეინის მოწაფე. მედიცინის დოქტორი, სადისერტაციო შრომა - „Усиленнсе питание чахоточных“ (1887). პირველმა შეისწავლა კურორტ წყალტუბოს წყლების გავლენა ადამიანის ორგანიზმზე, აღსანიშნავია აგრეთვე მისი შრომები ციმბირის წყლულის, შავი ჭირის, ათაშანგის, მალარიის შესახებ, ერთ-ერთმა პირველმა ჩამოაყალიბა და თავმჯდომარეობდა ქუთაისის ექიმთა და ბუნებისმეტყველთა საზოგადოებას, გამოსცა გაზეთი "შრომა" და იყო მისი რედაქტორი. მისი ინიციატივით  (ს. ხეჩინაშვილთან და გ. გოკიელთან ერთად) ქუთაისში აშენდა 250 საწოლიანი საავადმყოფო, რომელსაც დიდი ხნის განმავლობაში თვითონვე ხელმძღვანელობდა, დააარსა ამბულატორია ქ. ქუთაისში, სადაც უფასო დახმარებას უწევდა ქუთაისის თეატრს. იყო საქართველოში ერობის შემოღების მომხრე, სისტემატურად თანამშრომლობდა ქართულ ჟურნალ-გაზეთებში.

• ქუთაისის ექიმთა და ბუნებისმეტყველთა საზოგადოება, დამაარსებელი და თავმჯდომარე