გრიგოლ მიხეილის ძე მუხაძე

დაიბადა ქ. თბილისში. 1908 წელს დაამთავრა ტომსკის უნივერსიტეტის სამედიცინო ფაკულტეტი. გამოჩენილი ქირურგი. პროფ. მიშის მოწაფე. მედიცინის დოქტორი, სადისერტაციო შრომა - „К вопросу о влиянии уменьшенного круга кровообращения на общее кровяное давление“ (1912). პროფესორი, მეცნიერების დამსახურებული მოღვაწე, საქართველოს სსრ მეცნიერებათა აკადემიისა და სსრკ მედიცინის მეცნიერებათა აკადემიის ნამდვილი წევრი, თბილისის უნივერსიტეტის სამედიცინო ფაკულტეტის ერთ-ერთი ორგანიზატორი, ქართული ქირურგიული სკოლის ერთ-ერთი ფუძემდებელი, თბილისის სახელმწიფო უნივერსიტეტის, შემდგომში თბილისის სახელმწიფო სამედიცინო ინსტიტუტის ჰოსპიტალური ქირურგიის კათედრის გამგე. მისი შრომები ეხება სანორკოზო ნივთიერებებს, სისხლის გადასხმას, შარდსაწვეთების გადანერგვას და გულის ჭრილობებს. მის სახელთანაა დაკავშირებული სისხლის გადასხმის სამსახურის ორგანიზაცია, განვითარება და საქართველოს სსრ ჯანმრთელობის დაცვის სამინისტროს ექსპერიმენტული და კლინიკური ქირურგიის სამეცნიერო-კვლევითი ინსტიტუტის დაარსება. იყო დასტაქართა სრულიად საკავშირო მე-2 ყრილობის მოწვევის ორგანიზატორი, საქართველოს სსრ ქირურგთა სამეცნიერო საზოგადოების თავმჯდომარე და სხვ.

• საქართველოს სსრ ქირურგთა სამეცნიერო საზოგადოების თავმჯდომარე
• ქართველთა შორის წერა–კითხვის გამავრცელებელი საზოგადოება, საზოგადოების ჭიათურის განყოფილების წევრი (1912-)

• 1943 - შრომის წითელი დროშის ორდენი
• 1942 - საპატიო ნიშნის ორდენი
• 1941 - საქართველოს მეცნიერებათა დამსახურებული მოღვაწე