კონსტანტინე ივანეს ძე ტატიშვილი (ტატიევი)

დაიბადა ქ. ფოთში. 1917 წელს დაამთავრა მოსკოვის უნივერსიტეტის სამედიცინო ფაკულტეტი. გამოჩენილი სასამართლო ექიმი. მედიცინის მეცნიერებათა დოქტორი, სადისერტაციო შრომა - „Материалы к судебномедицинскому изучению огнестрельных повреждении“ (1937). პროფესორი. სასამართლო სამედიცინო ექსპერტიზის სამსახურის და კრიმინალისტიკის ორგანიზატორი აზერბაიჯანში. სხვადასხვა დროს იყო აზერბაიჯანის უნივერსიტეტის სამედიცინო ფაკულტეტის, შემდეგ სახელმწიფო სამედიცინო ინსტიტუტის სასამართლო მედიცინის კათედრის ორგანიზატორი და გამგე (1921-1939), ექიმთა დახელოვნების ცენტრალური ინსტიტუტის სასამართლო მედიცინის კათედრის გამგე (მოსკოვი 1939-1940, 1948-1963), სსრკ ჯანმრთელობის დაცვის სამინისტროს სასამართლო მედიცინის სამეცნიერო-კვლევითი ინსტიტუტის თანატოლოგიის განყოფილების ხელმძღვანელი (1939-1952), ი. ვ. ლომონოსოვის სახელობის მოსკოვის უნივერსიტეტის იურიდიული ფაკულტეტის სისხლის სამართლის კათედრის ლექტორი (1942-1956). მის კალამს ეკუთვნის 3 სახელმძღვანელო სასამართლო მედიცინის დარგში (ექიმებისა და იურისტებისათვის). საზოგადო მოღვაწე - იყო აზერბაიჯანის და რსფსრ ჯანმრთელობის დაცვის სამინისტროს მთავარი სპეციალისტი, მოსკოვის სასამართლო მედიკთა და კრიმინალისტთა საზოგადოების თავმჯდომარე.

• მოსკოვის სასამართლო მედიკთა და კრიმინალისტთა საზოგადოება, საზოგადოების თავმჯდომარე.