სევერიან კონსტანტინეს ძე ჭოღოშვილი

დაიბადა სოფელ ბზვანში (ვანის რაიონი). 1905 წელს დაამთავრა ხარკოვის უნივერსიტეტის სამედიცინო ფაკულტეტი. სხვადასხვა დროს იყო სალობელიაკის (რსფსრ) საერობო საავადმყოფოს გამგე (1905-1906), ყარსის ოლქის არტაანის მაზრის (ამჟამად თურქეთში) საავადმყოფოს გამგე (1907-1909), შორაპნის მაზრის, ხოლო შემდგომში საჩხერის რაიონის საავადმყოფოს გამგე (1909-1940), თბილისის ქალაქის მე-14 პოლიკლინიკის ექიმი (1940-1947), აკაკი წერეთლის პირადი მკურნალი ექიმი. მისი შრომები ძირითადად ეხება საქართველოს კურორტებსა და მათი კეთილოწყობის საშუალებებს.