სიმონ ივანეს ძე ხეჩინაშვილი

დაიბადა ქ. ახალციხეში. 1884 წელს დაამთავრა მოსკოვის უნივერსიტეტის სამედიცინო ფაკულტეტი. გამოჩენილი თერაპევტი, ჯანმრთელობის დაცვის ორგანიზატორი. პროფ. გ. ზახარინის მოწაფე. დახელოვნდა საფრანგეთში, გერმანიაში, შვედეთში. სხვადასხვა დროს იყო ქუთაისის ქალაქის ამბულატორიის, გიმნაზიის ექიმი, ქუთაისის სამედიცინო საზოგადოების თავმჯდომარე, ქუთაისის გუბერნიის ღარიბ სტუდენტთა დამხმარე საზოგადოების თავმჯდომარე, მისი ინიციატივით (დ. ნაზარიშვილთად და გ. გოკიელთან ერთად) ქუთაისში აშენდა 250 საწოლიანი საავადმყოფო. უსასყიდლოდ მკურნალობდა ქუთაისის თეატრის დასს, გურიის და სამეგრელოს მოსახლეობას, კითხულობდა კულტ-საგანმანათლებლო ლექციებს სამედიცინო თემებზე, რომლებიც ხშირად იბეჭდებოდა საქართველოს სხვადასხვა გაზეთებსა და ჟურნალებში.

• ქართველთა შორის წერა-კითხვის გამავრცელებელი საზოგადოება, საზოგადოების ქუთაისის განყოფილების წევრი (1913-)
• ქუთაისის გუბერნიის ღარიბ სტუდენტთა დამხმარე საზოგადოება, საზოგადოების თავმჯდომარე.
• ქუთაისის სამედიცინო საზოგადოება, საზოგადოების თავმჯდომარე.