იუსტინე ივლიანეს ძე ჯანელიძე

დაიბადა ქ. სამტრედიაში. ხარკოვის და ჟენევის უნივერსიტეტების სამედიცინო ფაკულტეტის აღზრდილი (დაამთავრა 1909 წელს). სახელმწიფო გამოცდები ჩააბარა მოსკოვის უნივერსიტეტში 1910 წელს. გამოჩენილი ქირურგი. პროფ. ნ. ველიამინოვის სკოლის წარმომადგენელი, პროფესორი, მეცნიერების დამსახურებული მოღვაწე, სსრკ სამედიცინო მეცნიერებათა აკადემიის ნამდვილი წევრი, სოციალისტური შრომის გმირი, სახელმწიფო პრემიის ლაურეატი, სამედიცინო სამსახურის გენერალ-ლეიტენანტი, საბჭოთა სამამულო ქირურგიის ერთ-ერთი ღირსშესანიშნავი წარმომადგენელი, საბჭოთა კავშირში ფილტვების ქირურგიის ფუძემდებელი.

სსრკ მედიცინის მეცნიერებათა აკადემიის აკადემიკოსი (1944), რუსეთის  მეცნიერების დამსახურებული მოღვაწე (1936 წ), 1905 წელს სტუდენტურ მოძრაობაში მონაწილეობისთვის ხარკოვის უნივერსიტეტიდან გარიცხეს. სწავლა განაგრძო შვეიცარიაში. 1910 წელს მიიღო მოსკოვის უნივერისტეტის დიპლომი. 1921 წლიდან პეტროგრადის სამედიცინო ინსტიტუტის პროფესორი, 1939 წლიდან კი სამხედრო საზღვაო ფლოტის მთავარი ქირურგი იყო. მისი ძირითადი შრომები ეხება გულისა და სისხლძარღვების ქირურგიის, ტრავმატოლოგიის, გადაუდებელი და სამხედრო-საველე ქირურგიის პრობლემებს. 1913 წელს ჯანელიძემ, პირველად მსოფლიოში წარმატებით გაკერა ასწვრივი აორტის ჭრილობა. 1947 წელს აირჩიეს ქირურგთა საკავშირო საზოგადოების გამგეობის თავმჯდომარედ. 1949 წელს მიენიჭა სსრკ სახელმწიფო პრემია. დაჯილდოებულია უმაღლესი ორდენებითა და მედლებით.

• 1949 - სსრკ სახელმწიფო პრემია
• სოციალისტური შრომის გმირი