ჯანო ვალიშვილი

დაიბადა კასპის რაიონის სოფელ ახალქალაქში. 1963 წელს დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი. 1963-1966 წლებში - ჯავის რაისაავადმყოფო - თერაპევტი, 1966-1969 წლებში - სამკურნალო ფაკულტეტის ნერვულ სნეულებათა კათედრის ასპირანტი, 1969-1971 წლებში - რესპუბლიკური კლინიკური საავადმყოფო - ორდინატორი, 1971-1991 წლებში - ამავე კათედრის ასისტენტი. 1991 წლიდან თბილისის სახელმწიფო სამედიცინო უნივერსიტეტის სამკურნალო ფაკულტეტის ნერვულ სნეულებათა კათედრის დოცენტი. მედიცინის მეცნიერებათა კანდიდატი. აქვს 25 სამეცნიერო ნაშრომი. 1971 წელს დაიცვა საკანდიდატო დისერტაცია თემაზე - ”ნერვ-კუნთოვანი აპარატის ელექტროფიზიოლოგია პერიფერიული მოტონეირონის დაზიანების დროს”.

• საქართველოს ნევროპათოლოგთა საზოგადოება, წევრი
• საქართველოს ფსიქიატრთა საზოგადოება, წევრი