ნუგზარ უბერი

დაიბადა ქ. ზუგდიდში. 1969 წელს დაამთავრა თბილისის სახელმწიფო სამედიცინო ინსტიტუტის პედიატრიული ფაკულტეტი. 1969-1972 წლებში მუშაობდა ზუგდიდის რაისაკონსულტაციო პოლიკლინიკაში - ექიმ-პედიატრად, 1972-1974 წლებში - თბილისის სახელმწიფო სამედიცინო ინსტიტუტის ჰოსპიტალური პედიატრიის კათედრაზე - ორდინატორად, 1975-1978 წლებში - ამავე კათედრის აპირანტი, 1978-1989 წლებში - ამავე კათედრის ასისტენტი, 1989 წელს დოცენტი; 1998 წლიდან კათედრის პროფესორი. ავტორია 58 სამეცნიერო ნაშრომის, რომლებიც ეხება გულის უკმარისობასა და კარდიტებს, ათეროსკლეროზის პრედიქტორებს ბავშვებში. გამოცემული აქვს მონოგრაფია რუსულ ენაზე. არის 2 საკანდიდატო დისერტაციის სამეცნიერო ხელმძღვანელი; ექიმი-პედიატრი, მედიცინის მეცნიერებათა დოქტორი.

საკანდიდატო დისერტაციის თემა - "გულის უკმარისობის დახასიათება კარდიტების დროს ადრეული ასაკის ბავშვებში", დაიცვა 1983 წელს.

სადოქტორო დისერტაციის თემა -  "გულის იშემიური დაავადების რისკ ფაქტორები და მათი კორექციის გზები ამ დაავადებით დამძიმებული მემკვიდრეობის მქონე ქართველ ბავშვებში", დაიცვა 1997 წელს.

• საქართველოს პედიატრთა ასოციაციის გამგეობა, წევრი

• "ბავშვთა და მოზარდთა მედიცინა - VII", სამეცნიერო-პრაქტიკული კონფერენცია (თანაავტორი). - თბილისი, 2014. - 94გვ.. - ISBN: 978-9941-0-7085-3
• Фиброэластоз эндомиокарда у детей (თანაავტორი). - Тбилиси, Мецниереба, 1989. - 143с