ნოდარი იაშვილი

დაიბადა ქ. თბილისში. 1954 წელს დაამთავრა თბილისის სახელმწიფო სამედიცინო ინსტიტუტი. 1954-1958 წლებში იყო ახალქალაქის საავადმყოფოს ექიმი-ლარინგოლოგი, 1959-1961 წლებში - სამედიცინო ინსტიტუტის კლინიკური ორდინატორი, 1961-1963 წლებში - ჯანდაცვის სამინისტროს უფროსი ინსპექტორი, 1963-1965 წლებში იყო ექიმთა დახელოვნების ინსტიტუტის ასპირანტი, 1965-1966 წლებში - ჯანდაცვის სამინისტროს უფროსი ინსპექტორი, 1967-1969 წლებში - მცხეთის რაიონული საავადმყოფოს მთავარი ექიმი, 1969-1971 წლებში - სამედიცინო ინსტიტუტის სწავლული მდივანი, 1972 წლიდან იყო სამედიცინო ინსტიტუტის ალერგოლოგიის კათედრაზე - დოცენტად, ინსტიტუტის საწარმოო პრაქტიკის დეკანის მოადგილედ. დოცენტი, მედიცინის მეცნიერებათა კანდიდატი, უმაღლესი კატეგორიის ლარინგოლოგი, აქვს 42 სამეცნიერო ნაშრომი.

• ალერგოლოგიური საზოგადოება, წევრი
• ოტორინოლარინგოლოგიური საზოგადოება, წევრი

• მედალი "ჯანმრთელობის დაცვის ფრიადოსანი"