შიხარხან ავალიანი

დაიბადა ყაზახეთში, ყარაგანდაში. 1973 წელს დაამთავრა თბილისის სახელმწიფო სამედიცინო ინსტიტუტი. 1973-1978 წლებში თბილისის ექიმთა დახელოვნების ინსტიტუტის ს/კ ლაბორატორიის უმცროსი მეცნიერ თანამშრომელი; 1978-1980 წლებში კლინიკური ორდინატორი; 1980-1983 წლებში ასპირანტი საკავშირო კარდიოლოგიურ სამეცნიერო ცენტრში ქ. მოსკოვი; 1984-1989 წლებში ასისტენტი; 1990 წელიდან იყო თერაპიისა და კარდიოლოგიის კათედრის დოცენტი; ასევე მუშაობდა ექიმთა დიპლომისშემდგომი განათლების სახელმწიფო სამედიცინო აკადემიაში, კარდიოლოგიისა და თერაპიის კათედრაზე - კათედრის დოცენტი. ამჟამად მედიცინის დოქტორი, პროფესორი. 15 სამეცნიერო ნაშრომის ავტორი, რომლებიც ეხება გულ–სისხლძარღვთა სისტემის დაავადებათა დიაგნოსტიკისა და მკურნალობის საკითხებს. საკანდიდატო დისერტაციის თემა - "ვერაპამილის ზემოქმედება მიოკარდის მწვავე ინფარქტის დროს დაავადების მიმდინარეობასა და დაზიანების კერის ფართობზე", დაიცვა 1984 წელს.

• საქართველოს ექიმ ქალთა ასოციაცია, გამგეობის წევრი
• საქართველოს კარდიოლოგთა ასოციაცია, წევრი