ბესარიონ კილასონია

დაიბადა ქ. თბილისში. დაამთავრა თბილისის სახელმწიფო სამედიცინო ინსტიტუტი 1970 წელს. 1971-79წწ. იყო თბილისის სახელმწიფო სამედიცინო ინსტიტუტის პათოლოგიური ანატომიის კათედრის უფროსი ლაბორანტი, ხოლო შემდგომ ასისტენტი; 1979-98წწ. თბილისის სახელმწიფო სამედიცინო უნივერსიტეტის  სასამართლო მედიცინის კათედრის ასისტენტი, დოცენტი, ხოლო 1996 წლიდან კათედრის პროფესორი; 1998 წლიდან  ამავე კათედრის სასამართლო მედიცინის დეპარტამენტის ხელმძღვანელი; 1992 წელს არჩეული იყო სამკურნალო ფაკულტეტის დეკანად; 1998 წლიდან არის თბილისის სახელმწიფო სამედიცინო უნივერსიტეტის პრორექტორი სასწავლო დარგში; ავტორია 45 სამეცნიერო ნაშრომის; არის  სასამართლო მედიცინის სრული პროფესორი, სასამართლო სამედიცინო ექსპერტი, მედიცინის მეცნიერებათა დოქტორი. საკანდიდატო დისერტაციის თემა - "საშვილოსნოს ტანის ეპითელის კარიულოგიური თავისებურებანი კიბოსწინარე დისჰორმონული ჰიპერლაზიერის და კიბოს დროს", დაიცვა 1978 წელს. სადოქტორო დისერტაციის თემა - "დედათა სიკვდილის სასამართლო სამედიცინო ექსპერტიზა", დაიცვა 1995 წელს.

• საქართველოს მედიცინის მეცნიერებათა აკადემია, აკადემიკოსი
• საქართველოს სასამართლოს ექიმთა სამეცნიერო საზოგადოება, თავჯდომარე
• საქართველოს ჯანდაცვის სამინისტროს მთავარი სასამართლო–სამედიცინო ექსპერტიზის ცენტრი, სამეცნიერო მეთოდური ხელმძღვანელი

• 1982 - მედალი "ჯანმრთელობის დაცვის ფრიადოსანი"

• სასამართლო მედიცინა : სახელმძღვ. სამედ. და იურიდ. პროფილის უმაღლ. სკოლის სტუდენტებისა და სასამართლო სამედ. ექსპერტებისათვის, ექიმებისა და იურისტებისათვის (ავტორი). - თბილისი, 2011. - 368გვ. - ISBN: 978-9941-0-3472-5