ნინო ბაბლიძე

დაიბადა ქარელის რაიონში. 1967 წელს დაამთავრა თბილისის სახელმწიფო სამედიცინო ინსტიტუტი. 1967-1968 წლებში იყო ქარელის რაიტუბდისპანსერის ექიმი; 1968-1971 წლებში - ი. ჟორდანიას სახელობის ქალის ფიზიოლოგიისა და პათოლოგიის ს/კ ინსტიტუტის ასპირანტი; 1972-1976 წლებში - ი. ჟორდანიას სახელობის ადამიანის რეპროდუქციის ს/კ პოლიკლინიკის ექიმი; 1976-1977 წლებში - ი. ჟორდანიას სახელობის ადამიანის რეპროდუქციის ს/კ ინსტიტუტის რეპროდუქციული ენდოკრინოლოგიის განყოფილების უმცროსი მეცნიერ-თანამშრომელი. 1977 წლიდან - ი. ჟორდანიას სახელობის ადამიანის რეპროდუქციის ს/კ ინსტიტუტის რეპროდუქციული ენდოკრინოლოგიის განყოფილების უფროსი მეცნიერ-თანამშრომელი. 1975–1994 წლებში - მუშაობდა ჯანდაცვის სამინისტროში მეცნიერებისა და სამეცნიერო კვლევით დაწესებულებათა სამმართველოში წამყვან სპეციალისტად და სამეცნიერო საბჟოში სწავლულ მდივნად; 1975–1994 წლებში - იყო სამეცნიერო ხარისხის მიმნიჭებელი საბჭოს "რეპროდუქტოლოგიის" სწავლული მდივანი. 1973 წლიდან - მედიცინის მეცნიერებათა კანდიდატი. 1981 წლიდან - უფროსი მეცნიერ-თანამშრომელი. 1991 წლიდან უმაღლესი კატეგორიის ექიმი. აქვს 42 სამეცნიერო ნაშრომი. საკანდიდატო დისერტაციის თემა - "თირკმელზედა ჯირკვლის ქერქის ფუნქციური მდგომარეობა ჰუბერტატულ–იუვენიური დისპიტუიტარიზმის დროს", დაიცვა 1973 წელს.