ოთარ ბათიაშვილი

დაიბადა ქ. თბილისში. 1948 წელს დაამთავრა თბილისის სახელმწიფო სამედიცინო ინსტიტუტი. 1948-1950 წლებში იყო ლიკანის ტუბსანატორიუმის ექიმი; 1950-1954 წლებში - იმავე სანატორიუმის მთავარი ექიმი; 1954-1959 წლებში - ლიკანის პროფკავშირების სანატორიუმის მთავარი ექიმი; 1959-1989 წლებში იყო ტუბერკულოზის სამეცნიერო-კვლევითი ინსტიტუტის დირექტორი; 1989 წლიდან - ფტიზიატრიისა და პულმონოლოგიის სამეცნიერო-კვლევითი ინსტიტუტის ფილტვის ტუბერკულოზის განყოფილების ხელმძღვანელი. 1989 წლიდან - მრჩეველი, 1978 წლიდან - რესპუბლიკის მთავარი ფთიზიატრი, 1981 წლიდან - ფტიზიატრთა რესპუბლიკური სამეცნიერო საზოგადოების თავმჯდომარე, 1966 წლიდან - ტუბერკულოზისა და ფილტვის დაავადებათა წინააღმდეგ ბრძოლის საერთაშორისო ასოციაციის წევრი.

ბათიაშვილი შეისწავლის ტუბერკულოზის პროფილაქტიკის და მკურნალობის თანამედროვე მეთოდებს და მათ გამოყენებას, კლიმატური-კურორტული მკურნალობის ეფექტურობას ტუბერკულოზით დაავადებულებში, სრულყოფს მეცხოველეებისა და მსხვილ რქოსანი საქონლის ტუბერკულოზით დაავადების ლიკვიდაციის უახლეს მეთოდებს და სხვა.

მედიცინის მეცნიერებათა დოქტორი, პროფესორი. სამედიცინო პროფილაქტიკის და ადამიანის ეკოლოგიის, მედიკო-ბიოლოგიური აკადემიების აკადემიკოსი. აქვს 125 სამეცნიერო ნაშრომი. 

• საქართველოს მედიკო–ბიოლოგიური აკადემია, აკადემიკოსი
• ტუბერკულოზისა და ფილტვის დაავადებათა წინააღმდეგ ბრძოლის საერთაშორისო ასოციაციის წევრი (1966-)
• ფთიზიატრთა რესპუბლიკური სამეცნიერო საზოგადოების თავმჯდომარე (1981-)

• ტუბერკულოზი და მასთან ბრძოლა საქართველოში (ავტორი). - თბილისი, 2002. - 90 გვ.