ზაურ ბასილაშვილი

დაიბადა ქ. თბილისში. 1964 წელს დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი. 1964-1967 წლებში იყო თიანეთის რაიონის სოფელ სიმონიანთხევის საუბნო საავადმყოფოს მთავარი ექიმი; 1967-1971 წლებში - თელავის რაიპოლიკლინიკის უბნის ექიმი-თერაპევტი, ამავე დროს ექიმი-ოტორინოლარინგოლოგი; 1971 წლიდან მუშაობდა თელავის ბავშვთა პოლიკლინიკის ექიმ-ოტორინოლარინგოლოგად, შემდგომში თელავის ბავშვთა საავადმყოფოში, პოლიკლინიკური გაერთიანების ექიმ-ოტორინოლარინგოლოგად.