კონსტანტინე აფრიდონიძე

დაიბადა ქ. თბილისში.

დაამთავრა თბილისის სახელმწიფო სამედიცინო ინსტიტუტის სან. ჰიგიენური ფაკულტეტი 1966 წელს.

1966–1970წწ. გაიარა მოსკოვის ვირუსოლოგიის ინსტიტუტში ასპირანტურის კურსი ვირუსოლოგიაში; 1970–1973წწ. მუშაობდა ამავე ინსტიტუტში; 1973–1976წწ. ბაქტერიოფაგის ინსტიტუტში; 1989–1991წწ. იყო კანისა და ვენ. სნეულებათა ინსტიტუტში განყოფილების გამგე, ორჯონიკიძის სამედიცინო ინსტიტუტის მიკრობიოლოგიის კათედრის გამგე; 1991–1993წწ. თბილისის ექიმთა დახელოვნების ინსტიტუტის მიკრობიოლოგიის კათედრის პროფესორი; 1993 წლიდან თბილისის ექიმთა დიპლომისშემდგომი განათლების სახელმწიფო სამედიცინო აკადემიის მიკრობიოლოგიისა და ეპიდემიოლოგიის კათედრის გამგე. ავტორია 98 სამეცნიერო ნაშრომის. მისი ხელმძღვანელობით დაცულია 4 საკანდიდატო დისერტაცია. ექიმი–ჰიგიენისტი, მედიცინის მეცნიერებათა დოქტორი, პროფესორი.

საკანდიდატო დისერტაციის თემა - "Изменчивость вируса основакцины в процессе и своиства полученных мутантов", დაიცვა 1970 წელს.

სადოქტორო დისერტაციის თემა - "Новые данные по адаптации и паразитированию красного трихофитона с разработкой модели взаимоотношения гриба с культурой клеток", დაიცვა 1982 წელს.