გულნარა ჩაფიძე

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1954 წელს.

1954–1958წწ. იყო ბორჯომის ლიკანის სანატორიუმის ექიმი–ორდინატორი; 1958–1961წწ. მოსკოვის ექიმთა დახელოვნების ინსტიტუტის ასპირანტი; 1962–1963წწ. საქართველოს ექსპერიმენტული და კლინიკური თერაპიის ინსტიტუტის უმცროსი მეცნიერ–თანამშრომელი; 1963–1975წწ. ინფარქტის განყოფილების უფროსი მეცნიერ–თანამშრომელი; 1975 წლიდან განყოფილების ხელმძღვანელი; 1992 წლიდან კი გადაუდებელი კარდიოლოგიის ცენტრის დირექტორი. 1994 წლიდან - აკად. გულნარა ჩაფიძის სახელობის გადაუდებელი კარდიოლოგიის ცენტრის გენერალური დირექტორი. ავტორია 12 პატენტირებული გამოგონების და 259 სამეცნიერო ნაშრომის. კარდიოლოგი, მედიცინის მეცნიერებათა დოქტორი, პროფესორი, აკადემიკოსი.

საკანდიდატო დისერტაციის თემა - "რეგიონალური სისხლის მიმოქცევის ზოგიერთი თავისებურებანი ჰიპერტონული დაავადების დროს", დაიცვა 1962 წელს.

სადოქტორო დისერტაციის თემა - "მიოკარდიუმის ინფარქტის მიმდინარეობის თავისებურებანი სხვადასხვა ასაკობრივ ჯგუფებში და მიმდინარეობის პროგნოზირება".

• მედიკო–ბიოლოგიური აკადემია, წევრი
• მედიკო–სოციალური აკადემია, პრეზიდენტი
• საქართველოს თერაპევტთა საზოგადოება, წევრი
• საქართველოს კარდიოლოგთა საზოგადოება, წევრი

• 2011 - წმინდა გიორგის ოქროს ორდენი
  სრულიად საქართველოს კათოლიკოს -პატრიარქის ილია მეორის გადაწყვეტილებით
• 2011 - საუკუნის სახელის მფლობელი
  ქართული მედიცინის განვითარებაში შეტანილი წვლილისათვის
• 1991 - ღირსების ორდენი
• 1989 - სსრკ სახელმწიფო პრემია
• 1981 - საქართველოს სახელმწიფო პრემიის ორგზის ლაურეატი

• სამსახური
  აკად. გ. ჩაფიძის სახელობის გადაუდებელი კარდიოლოგიის ცენტრი

  მისამართი:	თბილისი, ლუბლიანას ქ. 4
  ტელეფონი:	(995 32) 240 23 17
  ელ.ფოსტა:
  ვებ საიტი:	http://www.chapidzecenter.ge