ჟენია ბოჭორიშვილი

დაბადების ადგილი: ონის რაიონი, სოფელი სამთისი.

დაამთავრა ჩრდილოეთ ოსეთის სახელმწიფო სამედიცინო ინსტიტუტის სამკურნალო ფაკულტეტი 1949 წელს.

1949–1951წწ. იყო ყაზბეგის რაიონის საავადმყოფოს გინეკოლოგი; 1953–1954წწ. თბილისის საოლქო ჯანდაცვის განყოფილების სამშობიარო დახმარების სექტორის ინსპექტორი; 1954–1958წწ. ექიმთა დახელოვნების ინსტიტუტის მეან–გინეკოლოგიური კათედრის კლინიკური ორდინატორი; 1958 წლიდან ი. ჟორდანიას სახელობის ადამიანის რეპროდუქციის სამეცნიერო კვლევითი ინსტიტუტის მეცნიერ თანამშრომელი. ავტორია ერთი საავტორო მოწმობისა და 80–მდე სამეცნიერო ნაშრომის, რომლებიც ეხება ქალისა და მამაკაცის უშვილობის პრობლემებს. ექიმი–გინეკოლოგი, მედიცინის მეცნიერებათა კანდიდატი, უფროსი მეცნიერ–თანამშრომელი.

საკანდიდატო დისერტაციის თემა - "ბაზალური ტემპერატურა ქალებში საკვერცხეების სხვადასხვა ფუნქციონალური მდგომარეობის დროს", დაიცვა 1971 წელს.

• მეან–გინეკოლოგთა კავშირი, წევრი

• 1973 - საპატიო სიგელი