ვლადიმერ ბუჯიაშვილი

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1954 წელს.

1954–1955წწ. იყო თიანეთის რაისაავადმყოფოს ქირურგი; 1956–1961წწ. თბილისის I კლინიკური საავადმყოფოს II ქირურგიული განყოფილების ექიმი–ორდინატორი; 1961–1964წწ. ექსპერიმენტული და კლინიკური ქირურგიის სამეცნიერო კვლევითი ინსტიტუტის ასპირანტი; 1965 წლიდან ქირურგიის ინსტიტუტის უმცროსი, შემდგომ უფროსი მეცნიერ–თანამშრომელი; 1991 წლიდან კი ამავე ინსტიტუტის სწავლული მდივანი. ავტორია 69 სამეცნიერო ნაშრომის, გამოქვეყნებული აქვს მონოგრაფია რუსულ ენაზე. ექიმი–ანგიოქირურგი, მედიცინის მეცნიერებათა კანდიდატი.

საკანდიდატო დისერტაციის თემა - ''თავის ტვინისა და გულის იზოლირებული პერფუზია ზოგადი ზომიერი ჰიპოთერმიის პირობებში", დაიცვა 1965 წელს.