ნოდარ გრიგოლია

დაბადების ადგილი: სამტრედიის რაიონი, სოფელი ჭოგნარი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1968 წელს.

1968–1971წწ. იყო ყაზახეთის სსრ ცელინოგრადის ოლქის ქ. ატბასარის რაისაავადმყოფოს ქირურგიული განყოფილების ორდინატორი; 1971–1974წწ. ასპირანტი; 1975–1982წწ თბილისის სახელმწიფო სამედიცინო ინსტიტუტის საფაკულტეტო ქირურგიის კათედრის ასისტენტი; 1982–1991წწ. დოცენტი; 1992–1994წწ. პროფესორი; 1994 წლიდან  თბილისის სახელმწიფო სამედიცინო უნივერსიტეტის სამკურნალო ფაკულტეტის ქირურგიულ სნეულებათა N3 კათედრის გამგე.

ავტორია 152 სამეცნიერო ნაშრომის, გამოქვეყნებული აქვს ორი მონოგრაფია: "კარდიოსპაზმი" და "კლინიკური ქირურგია". მისი ხელმძღვანელობით დაცულია 4 საკანდიდატო დისერტაცია. წლების განმავლობაში მუშაობდა აკადემიკოს ე. ფიფიას ხელმძღვანელობით და ითვლება მის მოწაფედ.

საკანდიდატო დისერტაციის თემა - "წყლულოვანი დაავადების თავისებურება მოხუცთა და ხანში შესულთა ასაკში", დაიცვა 1975 წელს.

სადოქტორო დისერტაციის თემა - "წყლულოვანი დაავადების კლინიკა და მკურნალობა ქალებში", დაიცვა მოსკოვის II სამედიცინო ინსტიტუტის ქირურგიულ საბჭოზე 1989 წელს.

• გრიგოლ მუხაძის სახელობის ქირურგიული საზოგადოება, წევრი
• თბილისის სახელმწიფო სამედიცინო უნივერსიტეტის სპეციალიზებული სამეცნიერო საბჭო (ქირურგია), წევრი
• მსოფლიო ქირურგთა ასოციაცია, წევრი
• საერთაშორისო გასტროქირურგიული კლუბი, წევრი
• საქართველოს ბიო–სამედიცინო აკადემია, აკადემიკოსი
• საქართველოს სამხედრო სამედიცინო აკადემია, ნამდვილი წევრი

• ქირურგიული დაავადებები : სახელმძღვანელო სამედიცინო უნივერსიტეტის სტუდენტებისა და ახალგაზრდა ექიმებისათვის (ავტორი). - თბილისი, მერიდიანი, 2012. - 550 გვ. - ISBN: 978-9941-10-639-2
• ქირურგიული დაავადებები : სახელმძღვანელო სამედიცინო უნივერსიტეტის სტუდენტებისა და ახალგაზრდა ექიმებისათვის (ავტორი). - თბილისი, მერიდიანი, 2005. - 507 გვ. - ISBN: 99928-32-47-9
• ზოგადი ქირურგია : სახელმძღვანელო სამედიცინო უნივერსიტეტის სტუდენტებისა და ახალგაზრდა ექიმებისათვის (ავტორი). - თბილისი, მერიდიანი, 2005. - 382 გვ. - ISBN: 99940-46-00-4
• კლინიკური ქირურგია (რჩეული თავები) : სახელმძღვანელო სამედიცინო უნივერსიტეტის სტუდენტებისა და ახალგაზრდა ექიმებისათვის (ავტორი). - თბილისი, 1996. - 416 გვ.