გურამ გურგენიძე

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტი 1954 წელს.

1963-1974წწ. იყო სამედიცინო ინსტიტუტის ჰოსპიტალური თერაპიის კათედრის პროფესორი და ალერგოლოგიის კურსის ხელმძღვანელი; 1974 წლიდან იყო მისივე თაოსნობით სსრკ–ში პირველად ჩამოყალიბებული ალერგოლოგიის კათედრის, ხოლო 1978 წლიდან ა. ნათიშვილის სახელობის ექსპერიმენტული მორფოლოგიის ინსტიტუტის ალერგოლოგიის განყოფილების გამგე და რესპუბლიკური ალერგოლოგიური ცენტრის ხელმძღვანელი; 1975-1986წწ. თბილისის სახელმწიფო სამედიცინო ინსტიტუტის პრორექტორი სასწავლო დარგში; შეისწავლა ალერგიულ დაავადებათა ეტიოპათოგენეზის კლინიკის, მკურნალობისა და პროფილაქტიკურ საკითხებს; მის შრომებში განსაკუთრებული ყურადღება ეთმობა ბრონქული ასთმის ცალკეული კლინიკური ფორმის იმუნოლოგიური თავისებურებების დახასიათებას, აგრეთვე მკურნალობის და პროფილაქტიკური მეთოდების შემუშავებას; თანაავტორია ჰავაის უნივერსიტეტის(აშშ) მიერ გამოცემული კოლექტიური მონოგრაფიისა "ალერგია მსოფლიოში"; ალერგოლოგი, მედიცინის მეცნიერებათა დოქტორი(1961), პროფესორი(1966).

• იმუნორეაბილიტაციის საერთაშორისო ასოციაცია, საპატიო წევრი (1994-)
• მოსკოვის ალერგოლოგთა სამეცნიერო საზოგადოება, საპატიო წევრი (1979-)
• საქართველოს მედიცინის მეცნიერებათა აკადემია, წევრი (1995-)
• საქართველოს მეცნიერებათა აკადემია, წევრ-კორესპონდენტი (1966-)
• სსრკ მეცნიერებათა აკადემია, წევრ-კორესპონდენტი (1988-)
• ჩეხოსლოვაკიის პურკინეს სახელობის საბუნებისმეტყველო საზოგადოება, საპატიო წევრი (1979-)

• 1998 - ღირსების ორდენი
• 1982 - საქართველოს მეცნიერებათა დამსახურებული მოღვაწე