ივანე ელიაშვილი

დაბადების ადგილი: ქ. ქუთაისი.

1888 წლიდან თანამშრომლობდა ქართულ პრესასთან; 1896 წელს იყო "სამედიცინო ფურცლის" ქართული გამოცემის ხელმძღვანელი; 1921-1929წწ. საქართველოს ჯანსახკომის სტატისტიკური განყოფილების უფროსი; 1926 წელს მისი თაოსნობით თბილისის სახელმწიფო უნივერსიტეტში დაარსდა სოციალური ჰიგიენის კათედრა, რომელსაც 1929 წლამდე თვითონვე განაგებდა; ჟურნალ "ჯეჯილსა" და "ნაკადულში" აქვეყნებდა საქართველოს ფლორისა და ფაუნის ამსახველ მოთხრობებს, რომლებიც შეტანილია მის წიგნში - "სამშობლო ბუნების სარკე"(1911); მას ეკუთვნის მოგონებები ა. წერეთელზე(მისი ანდერძის მიხედვით იგი იყო პოეტის ნების აღმსრულებელი), წვლილი მიუძღვის მისი ლიტერატურული მემკვიდრეობის აღნუსხვა-მოწესრიგებაში; ექიმი-ჰიგიენისტი, ჯანდაცვის ორგანიზატორი, საზოგადო მოღვაწე.

• საქართველოს საისტორიო და საეთნოგრაფიო საზოგადოება, წევრი
• ქართველთა შორის წერა-კითხვის გამავრცელებელი საზოგადოება, წევრი

• დედა-ბუნების ძირითადი კანონები (ავტორი). - თბილისი, ქართული ბეჭდვითი ამხანაგობის გამოცემა N4 და მისივე სტ., 1920. - 20 გვ.
• სამშობლო ბუნების სარკე (ავტორი). - თბილისი, ესტ. კერესელიძის სტ., 1911. - 140 გვ.
• წაღებიანი კატა (ავტორი). - ბაქო, ბაქოს სომეხთა კულტურულ კავშირის გამოცემა. - 6 გვ.