რაულ ერაძე

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1964 წელს.

1964–1967წწ. იყო ყაზახეთის რესპუბლიკის ბუგუნის რაისაავადმყოფოს ოტორინოლარინგოლოგი; 1967–1970წწ. თბილისის სახელმწიფო სამედიცინო ინსტიტუტის ოტოლარინგოლოგიის კათედრის ასპირანტი; 1970–1974წწ. რესპუბლიკური ცენტრალური კლინიკური საავადმყოფოს ექიმი ოტოლარინგოლოგი; 1974–1980წწ. წითელწყაროს რაიონის მთავარი ექიმი; 1980–1983წწ. რესპუბლიკური ცენტრალური კლინიკური საავადმყოფოს ორდინატორი; 1983 წლიდან თბილისის სახელმწიფო სამედიცინო უნივერსიტეტის ყელ–ყურ–ცხვირის სნეულებათა კათედრის ასისტენტი. ავტორია 10 სამეცნიერო ნაშრომის, რომლებიც ეხება ავთვისებიან სიმსივნეთა დიაგნოსტიკას, ლორ–დაავადებათა ეპიდემიოლოგიას საქართველოში. ექიმი–ოტოლარინგოლოგი, მედიცინის მეცნიერებათა კანდიდატი.

საკანდიდატო დისერტაციის თემა - "ღვიძლის ფუნქციონალური ცვლილებები ხორხის კიბოთი დაავადებულ ავადმყოფებში".

• საქართველოს ოტორინოლარინგოლოგთა სამეცნიერო საზოგადოება, წევრი

• 1978 - მედალი "ჯანმრთელობის დაცვის ფრიადოსანი"