კონსტანტინე ფარნაოზის ძე ვეფხვაძე

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1924 წელს.

1945–1974წწ. ხელმძღვანელობდა ექიმთა დახელოვნებჰის თბილისის სახელმწიფო ინსტიტუტის ონკოლოგიის კათედრას.

მისი სამეცნიერო შრომები ეძღვნება თეორიული და კლინიკური ქირურგიის და ონკოლოგიის აქტუალურ საკითხებს. იკვლევდა აგრეთვე ავთვისებიანი სიმსივნის ეპიდემიოლოგიისა და სამრეწველო ტრავმატიზმის საკითხებს. 1933 წელს შეადგინა ზოგადი ქირურგიის პირველი სახელმძღვანელო ქართულ ენაზე. იყო ონკოლოგი, მეცნიერული ონკოლოგიის ფუძემდებელი საქართველოში, მედიცინის მეცნიერებათა დოქტორი, პროფესორი. მიღებული აქვს სახელმწიფო ჯილდოები.

• საქართველოს ონკოლოგთა სამედიცინო სამეცნიერო საზოგადოება, თავმჯდომარე (1955-1974)
• სსრკ მედიცინის მეცნიერებათა აკადემიასთან არსებული კიბოს საპრობლემო სამეცნიერო საბჭო, წევრი
• სსრკ ჯანდაცვის სამინისტროს კიბოს საწინააღმდეგო კომიტეტი, წევრი