ნინო ვეფხვაძე

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის პედიატრიის ფაკულტეტი 1979 წელს.

1984–1986წწ. იყო საქართველოს ჯანდაცვის სამინისტროს ონკოლოგიის სამეცნიერო ცენტრის ექიმი; 1986–1987წწ. თბილისის ჩიყვის საწინააღმდეგო დისპანსერის რადიოიზოტოპური დიაგნოსტიკის ლაბორატორიის გამგე; 1991–1994წწ. თბილისის სახელმწიფო სამედიცინო უნივერსიტეტის ჰიგიენის კათედრის უფროსი მასწავლებელი; 1994–1996წწ. დოცენტი; 1996 წლიდან  თბილისის სახელმწიფო სამედიცინო უნივერსიტეტის პრევენციული მედიცინის კათედრის გამგე. არის 40 სამეცნიერო ნაშრომის ავტორი და სახელმწიფო პროგრამის – "რადიაცია" კოორდინატორი. ექიმი–რადიოლოგი, მედიცინის მეცნიერებათა დოქტორი.

საკანდიდატო დისერტაციის თემა - "სიმსივნის სხივური დაზიანების ამორჩევითი გაძლიერება მეტრონიზადოლით და ხანმოკლე ჰიპერგლიკემიით", დაიცვა ლენინგრადში 1985 წელს.

სადოქტორო დისერტაციის თემა - "მაიონეზებელი გამოსხივების მცირე დოზების ზემოქმედებით ორგანიზმში გამოწვეული ზოგიერთი თვისება, მოსალოდნელი მავნე ეფექტების პროგნოზირება და სათანადო პროფილაქტიკური ღონისძიებების შემუშავება", დაიცვა 1995 წელს.

• საქართველოს ეკოლოგიურ მეცნიერებათა აკადემია, წევრი
• საქართველოს პროფილაქტიკური მედიცინის მუშაკთა ასოციაცია, ვიცე-პრეზიდენტი

• ჰიგიენა და სამედიცინო ეკოლოგია : სახელმძღვანელო თბილისის სახელმწიფო სამედიცინო უნივერსიტეტისა და საქართველოს უმაღლესი სამედიცინო სასწავლებლების სტუდენტებისათვის (ავტორი). - თბილისი, თბილისის სახელმწიფო სამედიცინო უნივერსიტეტის გამომცემლობა, 2013. - 324 გვ. - ISBN: 978-9941-443-07-7
• თავის ტვინის ქერქის მიკროცირკულაციის მარეგულირებელი მექანიზმი : მონოგრაფია (ავტორი). - თბილისი, 2009. - 91 გვ. - ISBN: 978-9941-0-1313-3
• კიბოს პრევენცია და ადრეული აღმოჩენა (ავტორი). - თბილისი, შპს "თამარიონი 2002", 2006. - 193 გვ. - ISBN: 99940-0-560-X

• სამსახური
  თბილისის სახელმწიფო სამედიცინო უნივერსიტეტი

  მისამართი:	თბილისი, ვაჟა-ფშაველას 33