ზაზა ზარქუა

დაბადების ადგილი: ქ. ბათუმი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1980 წელს.

1980-1982წწ. იყო თბილისის სახელმწიფო სამედიცინო ინსტიტუტის ონკოლოგიის კათედრის კლინიკის ორდინატორი; 1982 წლიდან ონკოლოგიური ნაციონალური ცენტრის აბდონიმური განყოფილების ექიმი-ორდინატორი; 1989 წლიდან უფროსი მეცნიერ-თანამშრომელი; 1997 წელს დირექტორის მოადგილე სამედიცინო პროგრამების მართვის დარგში. 2000 წლიდან სახელმწიფო ონკოლოგიური პროგრამების კოორდინატორი, სამედიცინო პროგრამის მართვის დარგის დირექტორი;  2002 წლიდან ონკოლოგიის ნაციონალური ცენტრის დირექტორთა საბჭოს თავმჯდომარე. არის 40-მდე სამეცნიერო ნაშრომის, 1 გამოგონებისა და 2 რაციონალიზატორული წინადადების ავტორი; გამოქვეყნებული აქვს: ბიოგრაფიული ნარკვევი - "კვალი ნათელი'; შედგენილი აქვს სასერტიფიკაციო კითხვარები ონკოლოგიაში (2001). მისი რედაქციით გამოიცა პირველად ქართულ ენაზე ავთვისებიანი სიმსივნეების TNM კლასიფიკაცია (2002). ექიმი-ონკოლოგი, საქართველოს შრომის, ჯანმრთელობისა და სოციალური დაცვის სამინისტროს ექსპერტი ონკოლოგი, საქართველოს ონკოლოგთა ასოციაციის ვიცე-პრეზიდენტი (2004). 

საკანდიდატო დისერტაციის თემა - "ოპერაციის შემდგომი ჩირქოვან-ანთებითი გართულებების იმუნოპროფილაქტიკა კუჭის კიბოთი დაავადებულ ავადმყოფებში", დაიცვა 1988 წელს.

• 1994 - ანდო ღვამიჩავას სახელობის პრემია