ალა ზედგინიძე

დაბადების ადგილი: ქ. თრბილისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1964 წელს.

1965 წლიდან იყო გრიგოლ მუხაძის სახელობის ჰემატოლოგიისა და ტრანსფუზიოლოგიის ინსტიტუტის ასპირანტი, უმცროსი მეცნიერ–თანამშრომელი, უფროსი მეცნიერ–თანამშრომელი; 1989 წლიდან ციტოგენეტიკის ლაბორატორიის ხელმძღვანელი; 1998 წლის იანვრიდან თბილისის სახელმწიფო სამედიცინო ინსტიტუტის ჰემატოლოგიის კათედრის პროფესორი. არის მრავალი სამეცნიერო შრომის ავტორი, მათ შორის 3 გამოგონების, 4 მეთოდური რეკომენდაციისა და 1 სახელმძღვანელოსი, მისი ხელმძღვანელობით დაცულია 5 საკანდიდატო დისერტაცია. ექიმი-ჰემატოლოგ-ტრანსფუზიოლოგი, მედიცინის მეცნიერებათა დოქტორი(1987), პროფესორი(1999), საქართველოში ონკოციტოგენეტიკის ფუძემდებელი.

საკანდიდატო დისერტაციის თემა - "მწვავე ლეიკოზების და სისხლწარმოქმნის ჰოპოპლაზურ მდგომარეობათა ციტოგენეტიკური შესწავლა", დაიცვა 1969 წელს.

სადოქტორო დისერტაციის თემა - "ციტოგენეტიკური ცვლილებების კანონზომიერებანი ლეიკოზების განვითარების პროცესში", დაიცვა 1987 წელს.

• ევროპის ციტოგენეტიკოსთა ასოციაცია, წევრი
• ეკოლოგიისა და უსაფრთხო ცხოველქმედების საერთაშორისო სამეცნიერო აკადემია, წევრი
• საქართველოს სამედიცინო გენეტიკოსთა საზოგადოება, თავმჯდომარე (1996-)