მაყვალა ზურაბაშვილი

დაბადების ადგილი: სიღნაღის რაიონი, სოფელი ბოდბისხევი.

დაამთავრა თბილისის სახელმწიფო სამედიცინო ინსტიტუტის პროფილაქტიკური მედიცინის ფაკულტეტი 1946 წელს.

1957–1959წწ. იყო კვების ჰიგიენის სამეცნიერო კვლევითი ლაბორატორიის უფროსი მეცნიერ–მუშაკი; 1959–1975წწ. თბილისის სახელმწიფო სამედიცინო ინსტიტუტის კვების ჰიგიენის კათედრის დოცენტი; 1975 წლიდან ამავე კათედრის პროფესორი; 1977 წლიდან აღნიშნული კათედრის გამგე. ავტორია 85 სამეცნიერო ნაშრომის, გამოქვეყნებული აქვს მონოგრაფიები და წიგნი–სახელმძღვანელო "კვების ჰიგიენა". 

საკანდიდატო დისერტაციის თემა - "სალმონელოზი საქართველოს პირუტყვებს შორის", დაიცვა 1950 წელს.

სადოქტორო დისერტაციის თემა - "C, B, B6 ვიტამინის ცვლის მაჩვენებელი შინაგანი სეკრეციის ჯირკვალთა ფუნქციის მოშლილობის დროს", დაიცვა 1972 წელს.

• პროფილაქტიკური მედიცინის ადამიანის ეკოლოგიის აკადემია, წევრი (1994-)

• კვების ჰიგიენა : სახელმძღვანელო სამედიცინო ინსტიტუტის სტუდენტებისათვის (ავტორი). - თბილისი, განათლება, 1989. - 383 გვ.