ელზა ზურაბიანი

დაბადების ადგილი: დაბა სურამი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1963 წელს.

1963–1964წწ. იყო სოხუმის რესპუბლიკური საავადმყოფოს ქირურგიული განყოფილების ექიმი–ორდინატორი; 1964 წლიდან მუშაობს ქირურგიის ინსტიტუტიში უმცროს მეცნიერ–თანამშრომლად; 1969 წლიდან უფროს მეცნიერ–თანამშრომლად; 1984 წლიდან სამეცნიერო ჯგუფის, 1990 წლიდან ლაბორატორიის ხელმძღვანელია. ავტორია 52 სამეცნიერო ნაშრომის. მის სახელს უკავშირდება საქართველოში ინტერვენციული რადიოლოგიური კვლევისა და მკურნალობის მეთოდების დაფუძნება, გულისა და სისხლძარღვების პათოლოგიათა ენდოვასკულური დიაგნოსტიკა და მკურნალობა. ექიმი–ქირურგი, მედიცინის მეცნიერებათა კანდიდატი.

საკანდიდატო დისერტაციის თემა - "ფალოს ტრიადის კლინიკა, დიაგნოსტიკა და ქირურგიული მკურნალობის ზოგიერთი საკითხი", დაიცვა 1968 წელს.

• ევროპის კარდიოქირურგთა ასოციაცია, წევრი
• ინტერვენციული რადიოლოგიის ასოციაცია, წევრი
• საქართველოს ქირურგთა ასოციაცია, წევრი
• სისხლძარღვთა ქირურგიის ასოციაცია, წევრი

• შრომის ვეტერანის მედალი