იორამ თარხან-მოურავი

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1968 წელს.

1968–1970წწ. იყო 96231–ე სამხედრო ნაწილის ექიმი–ლაბორანტი; 1970–1972წწ. თბილისის მე–11 პოლიკლინიკის ფილიალის ექიმი–თერაპევტი; 1962–1979წწ. საქართველოს კურორტოლოგიის და ფიზიოთერაპიის სამეცნიერო კვლევითი ინსტიტუტის უმცროსი მეცნიერ–თანამშრომელი; 1979–1988წწ. სწავლული მდივანი; 1987–1991წწ. სპელეოთერაპიის ლაბორატორიის გამგე; 1991 წლიდან ხელმძღვანელობს სამედიცინო კლიმატოლოგიის და კლიმატოთერაპიის განყოფილებას. ავტორია 36 სამეცნიერო ნაშრომის; მისი ხელმძღვანელობით დაცულია სამი საკანდიდატო დისერტაცია. არის ექიმი–თერაპევტი. მედიცინის მეცნიერებათა დოქტორი.

საკანდიდატო დისერტაციის თემა - "ბრონქული ასთმით დაავადებულთა სპელეოთერაპია კარსტული გამოქვაბულის "თეთრი მღვიმის" პირობებში(წყალტუბოს რ–ში)", დაიცვა 1979 წელს.

სადოქტორო დისერტრაციის თემა - "ფილტვების ქრონიკული არასპეციფიკური დაავადებების დროს კარსტული მღვიმის მიკროკლიმატის გამოყენების კლინიკურ–ექსპერიმენტული დასაბუთება",  დაიცვა 1993 წელს.

• კურორტოლოგთა და ფიზიოთერაპევტთა საზოგადოება, წევრი
• სპელეოთერაპევტთა საერთაშორისო კავშირის გამგეობა, წევრი

• 1989 - ღირსების მედალი

• სამედიცინო კლიმატოლოგია ზოგადი კლიმატოლოგიის ელემენტებით : სახელმძღვანელო (ავტორი). - თბილისი, მთაწმინდელი, 2011. - 279 გვ. - ISBN: 978-9941-9064-9-7
• საქართველოს კურორტები : ურეკი (თანაავტორი). - თბილისი, თბკ, 2008. - 44 გვ.
• სპელეოთერაპია : მონოგრაფია (ავტორი). - თბილისი, თბილ. უნ-ტის გამ-ბა, 2000. - 88 გვ.. - ISBN: 99928-77-66-9