თემურ კალანდაძე

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1975 წელს.

1975–1987წწ. მუშაობდა მოსკოვის ლ. ტარასევჩის სახელობის სამედიცინო ბიოლოგიური პრეპარატების კონტროლისა და სტანდარტიზაციის სამეცნიერო კვლევით ინსტიტუტში; 1988–1990წწ. საქართველოს ჯანდაცვის სამინისტროს მეცნიერული და სამეცნიერო კვლევითი დაწესებულების სამმართველოს უფროსის მოადგილედ; 1990–1993წწ. კურორტების გაერთიანების გენერალურ დირექტორად; 1993–1997წწ. საქართველოს ჯანდაცვის მინისტრის მოადგილედ; 1996 წლიდან ხელმძღვანელობს სამედიცინო დაზღვევის სახელმწიფო კომპანიას. ავტორია 18 სამეცნიერო ნაშრომისა საკანდიდატო დისერტაციის პრობლემატიკაზე. იმუნოლოგი, მედიცინის მეცნიერებათა კანდიდატი.

საკანდიდატო დისერტაციის თემა - "გრიპოზული ვაქცინების ალერგიული თვისებების შესწავლა", დაიცვა 1995 წელს.

• 1994 - ღირსების მედალი

• ჯანდაცვის სისტემა ირანის ისლამურ რესპუბლიკაში (თანაავტორი). - თბილისი, შ.პ.ს. "საარი", 2000. - 60 გვ.
• სოციალური და ჯანდაცვის სისტემის თავისებურებანი ნიდერლანდებში (თანაავტორი). - თბილისი, 2000. - 80 გვ.