ალექსანდრე მაჭავარიანი

დაბადების ადგილი: სოფელი არგვეთი, საჩხერის რაიონი.

დაამთავრა თბილისის სახელმწიფო სამედიცინო ინსტიტუტი 1964 წელს.

1964–1967წწ. იყო სამხრეთ ოსეთის ავტონომიური ოლქის ჯავის რაიონის კვაისის დასახლების საავადმყოფო–პოლიკლინიკის ექიმი–თერაპევტი; 1967–1971წწ. თბილისის სახელმწიფო სამედიცინო ინსტიტუტის სამკურნალო ფაკულტეტის ჰოსპიტალური თერაპიის კათედრის ასპირანტი; 1972–1985წწ. თბილისის სახელმწიფო სამედიცინო ინსტიტუტის სამკურნალო ფაკულტეტის ჰოსპიტალური თერაპიის კათედრის ასისტენტი; 1985 წლიდან ამავე კათედრის დოცენტი. ავტორია 37 სამეცნიერო ნაშრომის.  თერაპევტი–გასტროენტეროლოგი, მედიცინის მეცნიერებათა კანდიდატი, დოცენტი.

საკანდიდატო დისერტაციის თემა - "ყბაყურა სანერწყვე ჯირკვლების ფუნქციური მდგომარეობა კუჭისა და თორმეტგოჯა ნაწლავის წყლულოვანი დაავადებით შეპყრობილ პირებში", დაიცვა 1985 წელს.