მირიან მესტიაშვილი

დაბადების ადგილი: სიღნაღის რაიონი, სოფელი ნუკრიანი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1941 წელს.

1941–1942წწ. იყო სამამულო ომში მონაწილეთა მოქმედი არმიის პოლკის ექიმი; 1943–1950წწ. თბილისის სახელმწიფო სამედიცინო ინსტიტუტის პედიატრიული ფაკულტეტის ფსიქიატრიის კათედრის ორდინატორი, ასისტენტი; 1951–1963წწ. თბილისის ქალაქის ფსიქონევროლოგიური დისპანსერის მთავარი ექიმი; 1954–1974წწ. თბილისის მთავარი ფსიქიატრი; 1963 წლიდან ჯანდაცვის სამინისტროს მ. ასათიანის სახელობის ფსიქიატრიის სამეცნიერო კვლევითი ინსტიტუტის ბავშვთა და მოზარდთა განყოფილების გამგე. ავტორია 95 სამეცნიერო ნაშრომის, გამოქვეყნებული აქვს 4 მონოგრაფია, რომლებიც ეხება ბავშვთა და მოზარდთა შიზოფრენიის და ბავშვთა და მოზარდი ასაკის სოციალურ-ფსიქიატრიულ პრობლემებს. ფსიქიატრი, მედიცინის მეცნიერებათა დოქტორი, პროფესორი.

• ეკოლოგიურ მეცნიერებათა აკადემია, აკადემიკოსი
• პროფილაქტიკური მედიცინის აკადემია, აკადემიკოსი
• საქართველოს ფსიქიატრთა სამეცნიერო–პრაქტიკული საზოგადოების პრეზიდიუმი, წევრი

• 1997 - ღირსების ორდენი
• საქართველოს რესპუბლიკის დამსახურებული ექიმი
• საქართველოს მეცნიერებათა დამსახურებული მოღვაწე

• ბავშვთა და მოზარდთა ფსიქონერვული აშლილობა (ავტორი). - თბილისი, საბჭოთა საქართველო, 1989. - 23 გვ.
• გონებრივი ჩამორჩენილობა და მისი მსგავსი მდგომარეობა ბავშვთა ასაკში : ექიმ-ლექტორის დასახმარებლად (ავტორი). - თბილისი, საბჭოთა საქართველო, 1981. - 28 გვ.
• ბავშვთა ფსიქონევროლოგის საუბარი (ავტორი). - თბილისი, საბჭოთა საქართველო, 1975. - 30 გვ.
• ლოგონევროზების კლინიკა, მკურნალობა და პროფილაქტიკა : მეთოდ. წერილი (ავტორი). - თბილისი, საბჭოთა საქართველო, 1972. - 23 გვ.