ელგუჯა მირესაშვილი

დაბადების ადგილი: სოფელი ძეგვი, მცხეთის რაიონი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1951 წელს.

1951–1968წწ. იყო სოხუმის I საავადმყოფოს თერაპიული განყოფილების ორდინატორი; 1968–1988წწ. სოხუმის I პოლიკლინიკის თერაპიული განყოფილების გამგე; 1985 წელს აფხაზეთის ჯანდაცვის სამინისტროს მთავარი თერაპევტი. 1988 წელს აფხაზეთის ჯანდაცვის რესპუბლიკური საავადმყოფოს თერაპიული განყოფილების გამგე.  ავტორია 57 სამეცნიერო ნაშრომისა, რომლებიც ეხება სასუნთქი ორგანოების დაავადებათა ეპიდემიოლოგიის, ეტიოლოგიის საკითხებს. არის 3 საკანდიდატო დისერტაციის ხელმძღვანელი. თერაპევტი, მედიცინის მეცნიერებათა დოქტორი, პროფესორი. აფხაზეთიდან იძულებით გადაადგილებულ პირთა პოლიკლინიკის მთავარი ექიმი, აკად. ი. ვეკუას სახელობის ინსტიტუტის პრორექტორი, ჟურნალ "მედიკოსის" მთავარი რედაქტორი.

საკანდიდატო დისერტაციის თემა - "მწვავე პნევმონიები აფხაზეთის მოსახლეობაში 1954–1967 წლებში", დაიცვა 1967 წელს.

სადოქტორო დისერტაციის თემა - "მწვავე რესპირატორული დაავადებების ეტიოლოგია და მისი მნიშვნელობა სასუნთქი ორგანოების დაავადებათა ქრონოზაციის გამაფრთხილებელ ღონისძიებათა შესახებ პოლიკლინიკის პირობებში", დაიცვა 1984 წელს.

• აფხაზეთის გაერთიანებული სამედიცინო–სამეცნიერო საზოგადოება, თავმჯდომარე
• აფხაზეთის მეცნიერებათა აკადემია, ვიცე–პრეზიდენტი
• საქართველოს მოქალაქეთა კავშირის აფხაზეთის რეგიონალური ორგანიზაცია, თავმჯდომრის მოადგილე

• 1998 - ღირსების ორდენი
• 1995 - მედალი "საბრძოლო დამსახურებისთვის"
• 1981 - მედალი "შრომითი მიღწევებისთვის"
• აფხაზეთის ასსრ დამსახურებული ექიმი