გიორგი ტაბატაძე

   II მსოფლიო ომის გმირი; II მსოფლიო ომის მე-3 რანგის სამხედრო ექიმი; სამედიცინო კაპიტანი;

   დაიბადა 1910 წელს, ჭიათურის რაიონის სოფელ ზედა ბერეთისაში, 1927 წელს დაამთავრა კორბოულის საშუალო სკოლა. 1928 წელს გაიწვიეს სამხედრო სამსახურში, სადაც მსახურობდა 1931 წლამდე.

   1933-1940 წლებში სწავლობდა თბილისის სამედიცინო ინსტიტუტში. 1934-1941 წლებში გადიოდა სამედიცინო პრაქტიკებს ქალაქ წყალტუბოში. 

   1941 წელს გაიწვიეს მეორე მსოფლიო ომში, საიდანაც დაბრუნდა 1946 წელს.  ომში ჰოსპიტლის აფეთქების შედეგად დაიჭრა, დაემართა კონტუზია. ომში მოიპოვა შემდეგი ჯილდოები:

• „მედალი სამხედრო დამსახურებისთვის“
• „წითელი ვარსკვლავის ორდენი“ - 2           
• „მედალი კავკასიის დაცვისთვის“
• „გერმანიის წინააღმდეგ გამარჯვებისთვის 1941-1945 წლების დიდ სამამულო ომში“

   1946-1947 წლებში მუშაობდა ქალაქ ბაქოს სამხედრო კლინიკაში, ექიმ-თერაპევტად. 1947-1948 წლებში კვლავ მუშაობდა სოფელ ჯალაურთაში.

   1949 წელს გადმოიყვანეს ქალაქ გორში, სადაც მუშაობდა ქალაქის სანეპიდ-სადგურის მთავარ ექიმად.

   1952 წელს დანიშნეს ქალაქ ქარელის ახლად გახსნილი საავადმყოფოს მთავარ ექიმად, სადაც მუშაობდა სიცოცხლის ბოლომდე.