სერგი ნარიკაშვილი

დაბადების ადგილი: ქ. თბილისი.

მეცნიერული მოღვაწეობა დაიწყო 1931 წელს, ივანე ბერიტაშვილის ხელმძღვანელობით; 1953-1969წწ. იყო ი. ბერიტაშვილის სახელობის ფიზიოლოგიის ინსტიტუტის დირექტორი; 1992 წლამდე ხელმძღვანელობდა ი. ბერიტაშვილის ფიზიოლოგიის ინსტიტუტის ქერქისა და ქერქქვეშა სტრუქტურების ურთიერთობის ლაბორატორიას. მიыი თაოსნობით საქართველოში საფუძველი ჩაეყარა მეცნიერების ისეთ მიმართულებებს, როგორიცაა რადიობიოლოგია, ბიოფიზიკა, მოლეკულური ბიოლოგია. გამოქვეყნებული აქვს 300-მდე სამეცნიერო ნაშრომი. 1937 წელს დაიცვა საკანდიდატო დისერტაცია; 1946 წელს დაიცვა სადოქტორო დისერტაცია.

• "Physiology and Behavior" ჟურნალისა და ი. სეჩენოვის ფიზიოლოგიური ჟურნალი, სარედაქციო კოლეგიის წევრი
• საქართველოს მეცნიერებათა აკადემია, წევრ-კორესპონდენტი (1961-)
• ტვინის კვლევის საერთაშორისო ორგანიზაცია (IBRO), წევრი

• 1990 - ივანე ბერიტაშვილის სახელობის პრემია
• 1963 - ივანე თარხნიშვილის სახელობის პრემია
• 1962 - საქართველოს მეცნიერებათა დამსახურებული მოღვაწე

• ნეიროფიზიოლოგიის საკითხები : სამეცნ.-პოპულ. ნარკვევები (ავტორი). - თბილისი, მეცნიერება, 1977. - 258გვ.
• დიდი ტვინის ქერქი და ბადებრივი ფორმაციის ფუნქციები (ავტორი). - თბილისი, საქ. სსრ მეცნ. აკად. გამ-ბა, 1961. - 55გვ.
• თავის ტვინის ღეროს ბადებრივი ფორმაციის ფიზიოლოგიისა და პათოლოგიის ზოგიერთი საკითხი (ავტორი). - თბილისი, საქ. სსრ მეცნ. აკად. გამ-ბა, 1959. - 78 გვ.
• დაღლა და აქტიური დასვენება (ავტორი). - თბილისი, საქ. სსრ მეცნ. აკად. გამ-ბა, 1954. - 69გვ.