ნატალია ნებიერიძე

დაბადების ადგილი: ქ. თბილისი. 

დაამთავრა თბილისის სახელმწიფო უნივერსიტეტის ბიოლოგიური ფაკულტეტი ბიოქიმიის სპეციალობით 1975 წელს.

1975-1977წწ. საქართველოს მეცნიერებათა აკადემიის მცენარეთა ბიოქიმიის ინსტიტუტის ენზიმოლოგიის უფროსი ლაბორანტი; 1978-1992წწ. პროფესორ ანდრო ღვამიჩავას სახელობის ონკოლოგიის ნაციონალური ცენტრის ბიოქიმიური ლაბორატორიის უმცროსი მეცნიერ-თანამშრომელი; 1992-2005წწ. ამავე ინსტიტუტში ბიოქიმიური ლაბორატორიის უფროსი მეცნიერ-თანამშრომელი; ონკოლოგიის ნაციონალური ცენტრის ლაბორატორიული დიაგნოსტიკის განყოფილების ბიოქიმიკოსი, ექიმი-ლაბორანტი (2005 წლიდან დღემდე); მიენიჭა ექიმი-ლაბორანტის უმაღლესი საკვალიფიკაციო კატეგორია (1992); არის 45 სამეცნიერო ნაშრომის ავტორი; მისი კვლევები ეხება ონკოლოგიური პაციენტების ჰორმონალური სისტემის, ესტროგენ-რეცეპტორების, ღვიძლისა და თირკმლის ფუნქციების კვლევას. ბიოქიმიკოსი, უმაღლესი კატეგორიის ექიმი-ლაბორანტი, ბიოლოგიურ მეცნიერებათა კანდიდატი (1991), ბიოლოგიურ მეცნიერებათა დოქტორი (2007).

საკანდიდატო დისერტაციის თემა - "ჰიპოფიზი - თირკმელზედა ჯირკვლის ქერქი - სასქესო ჯირკვლების სისტემის ფუნქციური მდგომარეობა ლიმფოგრანულომატოზიანი ავადმყოფების სხივური (კომპლექსური) წამალმკურნალობისას", დაიცვა 1991 წელს (ქ. ლენინგრადი, რენტგენო-რადიოლოგიის სამეცნიერო -კვლევითი ინსტიტუტი).