ლუბა ნიჟარაძე

დაბადების ადგილი: ქ. მესტია.

დაამთავრა თბილისის სახელმწიფო სამედიცინო ინსტიტუტი 1951 წელს. 

ინსტიტუტის დამთავრების შემდეგ მუშაობა დაიწყო მესტიის რაიონულ საავადმყოფოში ექიმ-თერაპევტად. 1957-1976წწ. მუშაობდა ამავე საავადმყოფოს ექიმ-ინფექციონისტად, ინფექციური განყოფილების გამგედ, 1976 წლიდან მთავარი ექიმის მოადგილედ. 15 წლის განმავლობაში არჩეული იყო საქართველოს უმაღლესი საბჭოს სამი მოწვევის დეპუტატად. მე-20 საუკუნის 80-იანი წლების ბოლოდან, საქართველოში ეროვნული მოძრაობის დაწყებისთანავე, იყო ამ მოძრაობის აქტიური წევრი.

• 1978 - სოციალისტური შრომის გმირი
• 1974 - საქართველოს დამსახურებული ექიმი
  მედიცინის დარგში ხანგრძლივი და ნაყოფიერი მუშაობისთვის
• ლენინის ორდენი
• საპატიო ნიშნის ორდენი