მიხა ონიანი

დაბადების ადგილი: სოფელი მელეში, ლენტეხის რაიონი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1982 წელს.

1982-1988წწ. მუშაობდა ლენტეხის რაიონის ჟახუნდრის საუბნო საავადმყოფოს ჯერ ქირურგად, ხოლო შემდეგ ამ საავადმყოფოს მთავარ ქირურგად. 1988-1990წწ. კვალიფიკაციის ამაღლების მიზნით გაიარა კლინიკური ორდინატურა თბილისის სამედიცინო ინსტიტუტის სანჰიგიენური და პედიატრიული ფაკულტეტის ზოგადი ქირურგიის კათედრაზე. ორდინატურის გავლის შემდეგ ოთხი წელი გარდაბნის რაიონში იმუშავა მთავარი ქირურგის თანამდებობაზე, 1994-2002წწ. დაბრუნდა ლენტეხის რაიონში მთავარ ქირურგად. 2002-2005წწ. იყო ლენტეხის რაიონის გამგებლის თანამდებობაზე. 2006 წლიდან დაინიშნა ლენტეხის რაიონის საზოგადოებრივი ჯანმრთელობის დაცვის რაიონული ცენტრის დირექტორად.

• 2002 - ღირსების ორდენი
  მედიცინის დარგში ხანგრძლივი და ნაყოფიერი მუშაობისთვის