თამარ ოქროპირიძე

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სტომატოლოგიური ფაკულტეტი 1988 წელს; თბილისის სახელმწიფო უნივერსიტეტის საერთაშორისო ურთიერთობათა ფაკულტეტი.

1981-1983წწ. თბილისის სახელმწიფო სამედიცინო ინსტიტუტის ტოპოგრაფიული ანატომიის და ოპერაციული ქირურგიის კათედრის პრეპარატორი; 1988-1989წწ. რესპუბლიკური სტომატოლოგიური პოლიკლინიკის ექიმი; 1989-1994წწ. თბილისის №3 სტომატოლოგიური კლინიკის ექიმი; 1994-1995წწ. თბილისის №9 სტომატოლოგიური კლინიკის ექიმი; 1995-1997წწ. სდასუს სტომატოლოგიური კლინიკის მთავარი ექიმი; 1997-2002წწ. გრიგოლ რობაქიძის სახელობის უნივერსიტეტის სტომატოლოგიის კათედრის ხელმძღვანელი; 2002 წლიდან საასწავლო უნივერსიტეტი გეომედის სტომატოლოგიის დეპარტამენტის ხელმძღვანელი; 2004-2009წწ. თერაპიული სტომატოლოგიის სარეზიდენტო პროგრამის ლოკალური ხელმძღვანელი, 2010-2017წწ. ამავე პროგრამის დირექტორი; 2013 წლიდან საქართველოს უნივერსიტეტის სტომატოლოგიური ფაკულტეტის ინგლისურენოვანი პროგრამის თერაპიული სტომატოლოგიის მიმართულების მოწვეული პროფესორი; მონაწილეობას ღებულობს სამეცნიერო საგრანტო პროექტებსა და საერთაშორისო სამეცნიერო ფორუმებში; არის აკრედიტებული უწყვეტი სამედიცინო განათლების პროგრამის კოორდინატორი სათაურით "ოსტეოპლასტიური მასალების გამოყენება პაროდონტოლოგიაში"; 91 სამეცნიერო ნაშრომის ავტორი, მათგან -  4 სახელმძღვანელო, 2 პატენტი, 3 საავტორო უფლება, რომელთაგან ერთი არის სასწავლო კომპიუტერული პროგრამა სტუდენტებისათვის თერაპიულ სტომატოლოგიაში, რეფერირებად ჟურნალებში დაბეჭდილია 42 სამეცნიერო ნაშრომი; 7 საკანდიდატო დისერტაციის ხელმძღვანელი და 9 საკანდიდატო დისერტაციის ოპონირება, ექსპერტიზა, რეცენზირება.

საკანდიდატო დისერტაციის თემა - "პერიოდონტიტების მკურნალობა ლაზერის სხივების გამოყენებით", დაიცვა 1995 წელს; სადოქტორო დისერტაციის თემა - "ოსტეოგენეზის მასტიმულირებელი საშუალებებისა და პლაზმური თერაპიის გამოყენება პერიოდონტიტებისა  და პაროდონტიტის კომპლექსურ მკურნალობაში და მათი თერაპიული ეფექტების მორფოფუნქციური კორელაცია", დაიცვა 2004 წელს.

• ინტერნეტ ჟურნალის - BLACK SEA SCIENTIFIC JOURNAL OF ACADEMIC RESEARCH რედკოლეგია, წევრი (2013-)
• ჟურნალ "მკურნალის" სარედაქციო საბჭო, წევრი (1996-1998)
• საქართველოს სტომატოლოგთა ასოციაცია, წევრი

• ინოვაციური მიდგომა უმაღლესი სკოლის სასწავლო პროცესში : როგორ ვასწავლოთ უკეთ თერაპიული სტომატოლოგიის საფანტომო კურსი (ავტორი). - თბილისი, 2012. - 186გვ
• თერაპიული სტომატოლოგია : სახელმძღვ. უმაღლ. სამედ. სასწ. სტუდენტ-სტომატოლოგთათვის და ამ პროფილის პრაქტიკოს-ექიმთათვის (თანაავტორი). - თბილისი, 2001. - 424გვ