გიორგი გორდაძე

დაბადების ადგილი: ხონის რაიონი, სოფელი კუხი.

დაამთავრა თბილისის სახელმწიფო უნივერსიტეტის სამკურნალო ფაკულტეტი 1924 წელს.

1924-1925წწ. მონაწილეობდა საქართველოს სხვადასხვა კუთხეში მალარიის ეპიდემიოლოგიური კერების ჩამქრობ ექსპედიციებში; 1941-1946წწ. განაგებდა ამიერკავკასიის ფრონტის სანიტარულ–ეპიდემიოლოგიური სადგურის მალარიის საწინააღმდგე განყოფილებას; 1946-1953წწ. იყო ს. ვირსალაძის სახელობის მალარიისა და სამედიცინო პარაზიტოლოგიის ინსტიტუტის ეპიდემიოლოგიური განყოფილების გამგე; 1953-1973წწ. ამავე ინსტიტუტის ჰელმინთოლოგიური განყოფილების გამგე; 1973 წლიდან გარდაცვალებამდე მეცნიერ–კონსულტანტი; შეისწავლა მალარიისა და ჰელმინთოზების ეპიდემიოლოგიის საკითხები, ამ დაავადების წინააღმდეგ ბრძოლის მეთოდები; მიღებული აქვს სახელმწიფო ჯილდოები; პარაზიტოლოგი, მედიცინის მეცნიერებათა დოქტორი(1958), პროფესორი(1959).

• 1962 - საქართველოს მეცნიერებათა დამსახურებული მოღვაწე