გიორგი შალამბერიძე "იაკობ გოგებაშვილის თხზულებათა ლექსიკონში" სახელები შეტანილია სახელობითი ბრუნვის ფორმით, ისინი ანბანზე განლაგებულია ფუძეების მიხედვით, ბრუნვის ნიშანი მხედველობაში მიღებული არ არის (ამიტომ არის, მაგალითად, რომ ლექსიკონში "ბალი-ი" წინ უსწრებს "ბალა"-ს). ზმნები შეტანილია იმ ფორმით, რომელითაც ტექსტში გვხვდება, ეს აადვილებს სიტყვის მონახვას ლექსიკონში.

სიტყვების დაწერილობისას დაცულია ტექსტის ორთოგრაფია. განმარტებები მოცემულია კონტექსტის მიხედვით.

სიტყვების განმარტებისას ავტორმა გამოიყენა ყველა ქართული ლექსიკონი, კერძოდ, სულხან-საბა ორბელიანის, ნ. ჩუბინაშვილის ლექსიკონები; ქართული ენის განმარტებითი ლექსიკონის რვატომეული, ი. გიგინეიშვილის, ვ. თოფურიას და ი. ქავთარაძის "ქართულ დიალექტოლოგიაში" დაბეჭდილი დიალექტური ლექსიკონები; ალ. ღლონტის "სიტყვის კონა", აგრეთვე ქართული ლიტერატურის ძეგლთა სხვადასხვა გამოცემებზე დართული ლექსიკონები.

ი. გოგებაშვილის ნაწარმოებთა ლექსიკონი და პედაგოგიური ტერმინოლოგია საცნობარო ხასიათისაა, მასში შეტანილი ცნებების ყველა განმარტება მოკლეა და ამომწურავი. იგი დიდ სამსახურს გაუწევს ქართველ მკითხველს, პედაგოგიურ საზოგადოებას და ი. გოგებაშვილის შრომებით დაინტერესებულ პიროვნებებს.

ლექსიკური ერთეულების განმარტებების სიზუსტეზე პასუხისმგებლობა ეკისრება ავტორ-შემდგენელს.

წყარო: შალამბერიძე, გიორგი."იაკობ გოგებაშვილის თხზულებათა ლექსიკონში" [მ. ასათიანი, ნ. საბაშვილი].-თბ., : განათლება, 1994 .-64გვ. 20სმ.- 5-505-01892-0 : სახელშეკრ. ფასი, 1000 ც.

ტერმინების რაოდენობა: 1,203

გვერდები: 61 (დათვალიერება) — სარჩევი

ბოლო შესწორება: 5 თებერვალი 2026