"ფრაზეოლოგიური (სიტყვათა მყარი შეთანხმების) ლექსიკონი" (I, II ტომი) გამოთქმების მრავლისმომცველი ლექსიკონია. მასში განმარტებულია სიტყვების განსაკუთრებული, იდიომატური მნიშვნელობა, კონტექსტის შესაბამისად. წიგნში შესული მასალა აღებულია, ძირითადად, ქართული ფოლკლორიდან და კლასიკური ლიტერატურიდან. არის ფორმები, რომლებიც ქართულში სხვა ენებიდანაა შემოსული და დამკვიდრებული, თუმცა ისეა შესისხლხორცებული ქართულ ენასთან, რომ უცხოური წარმომავლობის კვალი მივიწყებულია.
"ფრაზეოლოგიური ლექსიკონი" იმითაცაა მნიშვნელოვანი, რომ უამრავ საინტერესო გამოთქმას აცოცხლებს. წიგნში მოყვანილი ბევრი სიტყვათშეთანხმება უკვე დავიწყების გზაზე დგას.
წიგნი საინტერესო იქნება არა მარტო სხვადასხვა სპეციალობის სტუდენტებისთვის, არამედ საზოგადოების ფაროო წრისთვის, ნებისმიერი წიგნიერი ადამიანისთვის. ფასეული იქნება იმ მეცნიერთათვის, რომლებიც უცხოური ენების ფრაზეოლოგიურ ლექსიკონებზე მუშაობენ.

ლექსიკური ერთეულების განმარტებების სიზუსტეზე პასუხისმგებლობა ეკისრება ავტორ-შემდგენელს.

წყარო: პაპასკირი ვაჟა. ფრაზეოლოგიური ლექსიკონი (სიტყვათა მყარი შეთანხმებანი) / ვაჟა პაპასკირი; წინათქმა მარიკა.ზვიადაძე - თბ.: ტექნ.უნ-ტი, 2011 .- 692 გვ.
ტ.1: ფრაზეოლოგიური ლექსიკონი (სიტყვათა მყარი შეთანხმებანი) ტ. 1, (ა-მ) / ვაჟა პაპასკირი; წინატქმა მარიკა.ზვიადაძე 2011.-362 გვ..- ISBN 0789941200175
ტ.2: ფრაზეოლოგიური ლექსიკონი (სიტყვათა მყარი შეთანხმებანი) ტ. 2, (ნ-ჰ) / ვაჟა პაპასკირი; წინატქმა მარიკა.ზვიადაძე 2011.-329 გვ. .- ISBN I9789941200182

ტერმინების რაოდენობა: 1,860

გვერდები: 93 (დათვალიერება) — სარჩევი

ბოლო შესწორება: 8 ივნისი 2026