კოლონა

1. შენობაში: მაღალი სვეტი, რომელსაც ეყრდნობა ჭერი, თაღი.
2. ძეგლი სვეტის სახით, რომელიც აღმართულია რაიმე ისტორიული ამბის აღსანიშნავად.
3.სამხ. ისეთი მწყობრი, რომელშიც ჯარისკაცები ან ქვეგანაყოფები დგანან ერთმანეთის უკან; კოლონაში მწყობრის სიღრმე მეტია მის სიგრძეზე ან მისი ტოლია.
4. ჯგუფი ადამიანებისა ან მანქანებისა, რომლებიც ერთმანეთის უკან დგანან ან მოძრაობენ. მაგ., დემონსტრანტების კ.; ავტომანქანების კ. მეხუთე კ. - პირთა ჯგუფი, რომელიც ეწევა ძირგამომთხრელ ანტისახელმწიფოებრივ საქმიანობას (ხშირად უცხოეთის დაზვერვის დავალებით) ისეთ ქვეყანაში, სადაც რევოლუციური ან სახალხო-დემოკრატიული რეჟიმია (კონტრრევოლუციური ძალების სახელწოდების მიხედვით; ეს ძალები მოქმედებდნენ რესპუბლიკურ მადრიდში და ეხმარებოდნენ ფრანკისტ მეამბოხეებს, რომლებიც მადრიდს უტევდნენ ოთხი კოლონით).