ფორმა

1. საგნის გარეგნული მოხაზულობა; მოყვანილობა.
2. რისამე გარეგნული გამოხატულება, გარეგნული მხარე (შინაარსის საპირისპიროდ).
3. რისამე სახეობა, ტიპი. მაგ., მმართველობის ფორმა.
4. რისამე სახესხვაობა, ნაირსახეობა. მაგ., გრიპის მსუბუქი ფორმა.
5. მხატვრული გამოსახვის ხერხებისა და საშუალებათა სისტემა.
6. მოწყობილობა, შაბლონი, რომლის მიხედვითაც რასმე ეძლევა გარკვეული მოხაზულობა, გარეგნული სახე; ყალიბი.
7. რისამე დადგენილი ნიმუში; სტანდარტი. მაგ., ოქმის ფორმა.
8. ერთიანი ტანსაცმელი (ფერის, გამოჭრილობისა და სხვა ნიშნების მიხედვით), რომელიც დადგენილია სხვადასხვა კატეგორიის პირთათვის. მაგ., სამხედრო ფორმა. მოსწავლის ფორმა.
9. ჩარჩოში მოთავსებული სასტამბო ანაწყობი (აგრეთვე რელიეფური გამოსახულების მქონე სხვა ზედაპირი), რომელიც დასაბეჭდად არის განკუთვნილი.
10. ნაბეჭდი ფურცლის დაკეცვით მიღებული 16 გვერდი, რომლებისგანაც იკინძება წიგნი (ქართ. სინონ. თაბახი).
11. (ლინგვ.). სიტყვათა ცვლისა და წინადადებაში სიტყვათა შეკავშირების სახე.
12. მხოლოდ გარეგნული, არაარსებითი, ვინმესთვის მოსაჩვენებლად გაკეთებული რამ; მოჩვენებითობა. მცირე ფორმები - მცირე მოცულობისა და ჩვეულებრივ მარტივი კომპოზიციის მქონე დრამატული ჟანრები.