თავს შეგაყვარებს, შეგიჩვევს
- 44. ფატმანისგან ავთანდილის გამიჯნურება
- 1090
- (ა) სჯობს სიშორე დიაცისა, ვისგან ვითა დაითმობის:
- (ბ) გილიზღებს და შეგიკვეთებს, მიგინდობს და მოგენდობის,
- (გ) მართ ანაზდად გიღალატებს, გაჰკვეთს, რაცა დაესობის.
- (დ) მით დიაცსა სამალავი არასთანა არ ეთხრობის.
იხ. ტაეპის განმარტებანი
- 1091
- (ა) ფატმან ხათუნს ავთანდილის გულსა ნდომა შეუვიდა,
- (ბ) სიყვარული მეტის-მეტი მოემატა, ცეცხლებრ სწვიდა.
- (გ) დამალვასა ეცდებოდა, მაგრა ჭირთა ვერ მალვიდა,
- (დ) იტყვის: „რა ვქმნა, რა მერგების?“ აწვიმებდა, ცრემლთა ღვრიდა.
- 1092
- (ა) „მიღმა ვუთხრა, ვა თუ გაწყრეს, შეხედვაცა დამიძვირდეს!
- (ბ) თუ არა ვთქვა, რაგვარ გავძლო, ცეცხლი უფრო გამიხშირდეს.
- (გ) ვთქვა და მოვკვდე, ანუ დავრჩე, ერთი რამე გამიპირდეს;
- (დ) მას მკურნალმან რაგვარ ჰკურნოს, თუ არ უთხრას, რაცა სჭირდეს!“
- თავი ორმოცდამესამე თავი ორმოცდამეხუთე
ძირითად გვერდზე 
გვერდის დასაწყისი