ძველი ტრაგედია

ანტიკურ ეპოქაში შექმნილი დრამატული ნაწარმოები, რომელსაც ახასიათებდა შემდეგი თავისებურებები:

ა)მოქმედი პირები არ მოქმედებდნენ თავიანთი ნების თანახმად.ისინი „ბედის” ბრმა იარაღს წარმოადგენდნენ. ამიტომ მათი დაღუპვა აუცილებელი იყო.

ბ) მოქმედი პირები უმთავრესად მეფეები და გმირები იყვნენ; ისინი განსხვავდებოდნენ როგორც ფიზიკური და ფსიქიკური თავისებური „ზეადამიანობით”, ისე არისტოკრატიული ჩამომავლობით;

გ) ახასიათებდა ადგილის, დროისა და მოქმედების ერთიანობა(„სამი ერთიანობის” კანონი);

დ) გუნდის მონაწილეობა და კომიკური ელემენტის გამორიცხვა;

მიუხედავად ამ განსხვავებისა, დღევანდლამდე შექმნილ ყველა ტრაგედიისათვის დამახასიათებელი დარჩა ძველი ბერძნული ტრაგედიის ძირითადი თვისება: მაყურებელში უღრმესი თანაგრძნობის აღძვრა დიდი მიზნისათვის მებრძოლი გმირის მიმართ.