სინეკდოქე

გამოთქმა, რომელშიც მთელის ნაცვლად დასახელებულია ნაწილი ან ნაწილის ნაცვლად დასახელებულია მთელი.

სინეკდოქეს ნიმუშებია:
„თავი დავკარგე” (იგულისხმება არა მარტო თავის დაკარგვა, არამედ მთელი ორგანიზმის, მთელი სიცოცხლის დაღუპვა).
„აჰა, ივერიის ნუგეშ-დიდება”(უნდა ვიგულისხმოთ საქართველოს ნუგეშ-დიდება)
„ერთ ჭერქვეშ ვცხოვრობთ”(იგულისხმება ერთ სახლში ვცხოვრობთ).

სინეკდოქურ გამოთქმებში ხშირად მრავლობითის ნაცვლად მხოლობით რიცხვს ხმარობენ:
„ ქართველო, ხელი ხმალს იკარ”.
დღე გათენდა დიდებისა...” – ამ შემთხვევაში ერთი ქართველის ნაცვლად უნდა ვიგულისხმოთ ქართველები.