მუხლი

სალექსო სტრიქონის ნაწილად გაერთიანებული ტერფთა ჯგუფი.

როდესაც ტაეპი საკმაოდ გრძელია, მის ბოლომდე წარმოსათქმელად საჭიროა მცირე შესვენება. ამ მიზნით, რამდენიმე ტერფის წაკითხვის შემდეგ ხმას ოდნავ უდაბლებენ, ისვენებენ და შემდეგ გრძელდება სალექსო სტრიქონების კითხვა. სალექსო სტრიქონის შუა პაუზის დროს შესვენებით ჩვენ თითქოს ვაერთებთ ტერფების ჯგუფს (თან ამ ადგილზე შესვენება უფრო საგრძნობია ტერფის წაკითხვის დროს შესვენებასთან შედარებით).

იხილეთ სალექსო სტრიქონის ტერფებად და მუხლებად დაყოფის მაგალითები:

„დაჰკრეს ნაღარა || გული შეჰზარა
და მტერთ საომრად || ჯარი შეჰყარა” (ნ. ბარათაშვილი).