ქორონიკონი, ქრონიკონი

წელთაღრიცხვის სისტემა, რომელიც ხუთას ოცდათორმეტწლიან (532) მოქცევაზე ანუ ციკლზეა დამყარებული. ჩვენი წინაპრების ანგარიშით ქვეყნის გაჩენიდან 780 წლამდე (ჩათვლით) გასულა 12 მოქცევა (532X12=6384, ე. ი. ქვე ყნის გაჩენიდან ქრისტეს შობამდე გასული ყოფილა 5604 წელი: 6384– –780=5604); 781 წელს დაიწყო მეცამეტე მოქცევა, რომელიც დასრულდა 1312 წელს (780+532=1312). მეთოთხმეტე მოქცევა დაიწყო 1313 წელს, ხოლო დასრულდა 1844 წელს (1312+532=1844). 1949 წელი იყო 105 ქორონიკონი მეთხუთმეტე მოქცევისა. 1958 წელი იყო 114 ქრონიკონი მეთხუთმეტე მოქცევისა (1958 – 1844=114). პარხლის ოთხთავს, რომელიც გადაწერილია იოვანე ბერას მიერ, ასეთი ცნობა აქვს დაცული: დაიწერა დასაბამითგანთა წელთა ხფოზ, ქრონიკონი იყო მეცამეტედ ქცეული რჟგ. ორივე თარიღი იძლევა 973 წელს (780+193=973; 5677– –5604=973) (ივანე იმნაიშვილი)